радоначалникот на општина Гевгелија, Иван Франгов денеска приреди свечен прием за најдобрите ученици меѓу добрите, на првенците на генерација од основните училишта од територијата на општина Гевгелија.
Како и секоја година и оваа сите тие добија парична награда во вредност од 5.000 денари. Оваа учебна 2015/16 година првенци на генерацијата се: од училиштето Крсте Мисирков Анета Велкова, од училиштето Ристо Шуклев од Негорци Александра Атанасова, од училиштето Климент Охридски од Миравци Кристијан Миторов и од училиштето Владо Кантарџиев Александар Тодов. Честитајќи им го успехот во деветгодишното школување, градоначалникот им посака среќа и успех и во средното училиште, и во иднина да учат и да се стекнуваат со нови знаења бидејќи, како што им рече, никој не може да ви го земе вашето знаење. Учениците првенци се добитници и на многу награди од учество на натпревари добиени во текот на нивното основно образование. Наградените ученици се заблагодарија на градоначалникот за неговиот прием и добиената парична награда и го информираа за тоа каде ќе го продолжат своето образование.
Извор: Општина Гевгелија
