Под покровителство на Општина Гевгелија од 15 до 17 октомври ќе се одржи јубилејниот 20 по ред фестивал за детски песни „Калинка“. На фестивалот што ќе се одржи во Гевгелија, ќе бидат изведени 14 нови песни за деца од реномирани автори што ќе ги пејат деца од Македонија, Србија и Бугарија.
Песните во кои ќе се пее за првата љубов и сите работи што го прават детството најубавиот дел од животот на еден човек,од денеска на пладне до петок ќе се исполнуваат за учениците и дечињата од градинките во општините Гевгелија, Богданци, Дојран и Валандово.
Организаторите информираа дека финалниот концерт во кој песните ќе конкурираат за престижните награди на јубилејниот фестивал, ќе се одржи во сабота на 17. октомври со почеток во 20 часот во салата на Народниот театар во Гевгелија.
