Комуналната инспекциската служба при општина Гевгелија ги извести граѓаните на општина Гевгелија кои чуваат домашни миленици-кучиња дека истите треба да бидат регистрирани во надлежната ветеринарна институција и редовно вакцинирани.
Сопственикот е должен, велат од службите, сместувањето и чувањето на кучињата да го уреди на начин што нема да пречи на мирот и спокојството на соседите. Сопствениците на кучиња се должни своите кучиња да ги држат во сопствените дворни места со истакната ознака-табличка на портата дека во дворот има куче.
Кучето може да се изведе надвор од дворното место само со кошница на устата и врзано со каиш. Забрането е оставање на фекални остатоци од домашните миленици на јавна површина. При шетањето на кучето, сопственикот е должен да ја исчисти површината од фекалните остатоци .
Непочитувањето на напред наведеното ќе биде санкционирано од комуналната инспекција при општина Гевгелија.
*Извор: Општина Гевгелија
