Младите кошаркари на КК „Кожув„ под водство на нивниот тренер Боби Петковски беа на гостување во соседна Република Грција како гости на тамошните млади кошаркари на Неа Трилиа. При тоа беа одиграни три натпревари од кои кошаркарите на Кожув забележаа две победи и еден пораз.
Меѓутоа, резултатот беше во втор план бидејќи најважна придобивка од ваквите средби е можноста младите од двете земји да другаруваат, да ги споредат своите знаења од кошарката и да се учат на вредностите на толеранција и меѓусебно почитување.
