Градоначалникот на Гевгелија Иван Франгов во присуство на пратеникот Драган Цуклев и бројни делегации и гости денеска со поставување камен темелник го означи почетокот на изградбата на сообраќајната инфраструктура на клучката од магистралниот пат Е-75 кај месноста Милци, во близина на граничниот премин „Богородица“, во рамки на одбележувањето на 7.Ноември- Денот на ослободувањето на Гевгелија.
Прославата на Денот на ослободувањето на Гевгелија продолжи со традиционалниот прием во хотелот Принцес што се организираше за сите гости и делегациите од збратимените општини Инџија од Србија, Јабланица и Бихаќ од Босна и Херцеговина и Пазин од Хрватска.
